Os Piratas de Redes e Os Viquingos de Rio Castro son dúas
festas populares que comezaron polo verán do 2005, cando a un grupo de
Viquingos de Rio Castro, lugar situado a poucos quilómetros do pobo de Redes,
decidiron sen previo aviso, invadir Redes por mar nunha tarde de verán, e
“secuestrar” a un redeño. Os redeños xa que descoñecían os plans dos viquingos,
non puideron facer nada contra o desembarco. Uns dias máis tarde os Piratas de
Redes xa organizados e armados con espadas e globos de auga, decidiron
devolverlles a xogada. Desta forma, embarcacións de Redes, tripuladas por
piratas, saíron cara a Rio Castro co fin de atacar aos Viquingos e cabe dicir,
que non chegou haber ningún secuestro, simplemente, foi unha escusa para
comezar esta curiosa festa popular. Deste xeito, empezou unha tradición que ano
tras ano congrega a máis e máis xente. Todo por suposto en clave de humor e bo
rollo.
Como diciamos, ambas as festas atraen a un gran número de
persoas . Nestas festas, a auga xoga un papel moi importante, xa que
normalmente, os desembarcos fanse con globos e mesmo con canóns de auga. Teñen
lugar pola tarde e están amenizadas por grupos de música tradicional, ademais
de cervexas e comida gratis para os Piratas en Rio Castro e para os Viquingos
en Redes.
No hay comentarios:
Publicar un comentario